الفتة المصرية بالكوارع البقرى

طبق الفتة المصرية بالكوارع البقرى
من الأكلات الدسمة جداااا
ويمكنك عملها فى العزائم والولائم
مع اللحوم المشوية

المقادير:
٢ كوارع بقري
٢ كوب ارز مصرى
١ كوب شعيريه
٢ م-ك سمن بلدى
١ كيلو طماطم
٢ م-ص حمص حب
٢ م-ك زيت
٤ فصوص ثوم
١ م-ص كمون مطحون
٥ مكعبات مرقه ماجى
٢ ثمره ليمون
خبز ابيض حسب عدد الاسرة
١ م-ص ملح
١ م-ص بهارات
١ م-ص فلفل اسود
الطريقة:

يتم غسل الكوارع جيدا و توضع فى قدر مليء بالماء
و يوضع القدر علي النار لمده ٤ او ٥ ساعات الى ان تنضج الكوارع
بعد نضج الكوارع تضاف ٤ مكعبات ماجى و فلفل اسود و يترك القدر على نار متوشطه الحراره لمده ٨ دقائق
تجهز المقلاه و يوضع بها السمن حتي يتم تحمير الشعيريه بها و من ثم يضاف الارز و الملح الي الشعيريه
و من ثم يضاف الماء بحيث يعلو الارز قليلا و يترك علي النار حتي النضج
يتم فرم الثوم في المفرمه و يضاف اليه الكمون و الملح
و يجهز قدر للطبخ اخر و يوضع به قليل من الزيت ثم يضاف اليه خليط الثوم و الكمون
ثم تضاف الطماطم و الفلفل الاسود و البهارات و كوب الماء و مكعب ماجي و تترك علي النار حتي ينضج الخليط
و من ثم توضع الكوارع في الصلصه و تترك لمده ٥ دقائق
ثم يقطع الخبز الي قطع صغيره و يضاف اليه قليل من مرق الكوارع حتي يتشرب المرقه
و يضاف الارز المجهز الي الخبز و من ثم تضاف الصلصه و الكوارع
و تقدم بالصحة والهنا,,,,

الحواوشى اللذيذ على الطريقة الاسكندرانى

الحواوشى اللذيذ على الطريقة الاسكندرانى

طبعا بتحبى الحوواشى وكل أسرتك بتحبه ويا سلام لو كان على الطريقة الإسكندرانية هيبقى أحلى وألذ وكلنا بنحب الساندويتشات السخنة ودايما بنبحث عن طرق شهية ومختلفة لتقديمها  النهاردة هنعمل الحواوشى اللذيذ على الطريقة الاسكندرانى ولا اشهى من أى ساندوتش لا تفووووتك



المقادير:
*لعمل العجينة:

1/2 كيلو دقيق
ملعقة كبيرة خميرة
1/2 كوب زبادي
3 ملاعق زيت
3/4 كوب ميه
رشة ملح
رشة سكر

*لتتبيلة اللحمة:
1/4 كيلو لحمة
2 حبة بصل
كوب بقدونس
كوب فلفل رومي مفروم
1/2 كوب طماطم مفرومة
ملعقة صغيرة بهارات
ملعقة صغيرة كمون
فلفل حامي حسب الرغبة
ملح وفلفل
زيت زيتون أو ذرة للدهن




الحواوشى اللذيذ على الطريقة الاسكندرانى

طريقة التحضير:
1- أول حاجة جهّزي العجينة، وده بإنك تخلطي الدقيق والخميرة والملح والسكر وتقلبيهم كويس في العجانة أو بالمضرب وتحطي عليهم الميه والزبادي والزيت وتعجني العجينة كويس لحد ما تبقى متماسكة في إيديك.

2- قسمي العجينة كرات صغيرة وادعكيهم كويس بإيديك وسيبيها لمدة 1/4 ساعة لحد ما تتخمر.

3- اخلطي اللحمة مع البصل والبقدونس والفلفل والطماطم وتبليها بالملح والفلفل واعجنيها كويس، وممكن تضيفي رشة شطة زي ما تحبي.

4- بعد ما العجينة تتخمر رشي الرخامة بالدقيق وافردي كرات العجينة دي عليها وادهني العجين بالزيت.

5- حطّي جزء من خليط اللحمة على عجينة وبعدين غطيها بعجينة تانية ويكون الجزء المدهون من تحت، واضغطي عليهم علشان يتماسكوا، ممكن تستخدمي طبق أو قالب صغير بحجم الرغيف اللي انتي عايزاه وتضغطي به على العجينة علشان تكون متساوية من الأجناب وتقطعي العجينة الزيادة، وبكده تكون كل الأرغفة عندك حجمها متساوي.

6- ادهني الرغيف بشوية زيت بسيط وحطيه في صينية ودخليه الفرن وسيبيه لمدة 20 دقيقة لحد ما العجينة واللحمة تستوي، وبعدين قدّميه..
وبالصحة والهنا,,,

العكاوى الحارة بالخضراوات

هنقدم النهاردة العكاوى بطريقة جديدة ولذيذة,,, كتير مننا ممكن مايعرفش يقدمها واذاعملها بتبقى بالطريقى التقليدية,,, تعالى شوفى طريقة اليوم جديدة وشهية جدااا هيحبها كل أفراد أسرتك وهيطلبوها منك دايما ,,, خاصة انها مناسبة لفصل الشتاء فهى تمنح الجسم الطاقة والدفء



المقادير:
1/ 2 كيلو عكاوي
1/ 4 كيلو بصل
حبة بطاطس
كوب بسلة
ملعقة كبيرة ثوم مفروم
2 حبة فلفل حامي مكعبات
3/ 4 كوب عصير طماطم
ملعقة صغير كمون
ملعقة صغيرة زعتر
ملح وفلفل



طريقة التحضير:
1- قطّعي البصل مكعبات صغيرة وشوّحيه في الزبدة أو السمنة لحد ما لونه يبقى أصفر، وبعدين قطّعي العكاوي مكعبات، وحطيها على البصل.

2-حطي معاهم الثوم، والزعتر، والكمون، والفلفل الأسود، والملح، والفلفل الحامي، وعصير الطماطم، وقطعي البطاطس مكعبات كبيرة، وضيفيها على الخليط.

3- قلّبي الخليط على النار، وممكن تزوّديه شوية ميه قليلة، وغطي الحلة، وسيبيه على نار عالية، وقلبيه من وقت للتاني، لمدة 15 دقيقة، أو لحد ما يبدأ يدخل في السوى.

4-بعد كده صبّي الخليط في طاجن أو صينية، ودخّليها الفرن لمدة 20 دقيقة، أو لحد ما اللحمة تستوي تماما، بعدين طلّعيه من الفرن، وقدّميه مع الرز بالبهارات..

وبالصحة والهنا,,,

حلقات اللحم الضأن المشوى

تميزى فى عزوماتك وقدمى كل ما هو شهى ولذيذ وكونى دائما متألقة أمام أهل زوجك وعائلتك,
جربى وصفتنا الرائعة هتعجب كل ضيوفك, ولا أحلى منها يلا استعدي معايا لأكلة شهية ولذيذة قدميها على سفرة اليوم مع أرز بالخلطة وسلطة الخضراوات أو الخضراوات المشوية .
المقادير
1 ظهر ضأن ( حوالي 2 كيلو)
1 ملعقة كبيرة كزبرة (حب)
1 ملعقة صغيرة فلفل أسود (حب)
5 فص ثوم
1 ملعقة كبيرة ملح خشن
1 ملعقة كبيرة سمسم
3 ملعقة كبيرة زيت زيتون
خضروات مشوية للتقديم

طريقة التحضير:
- يُغسل الظهر ويُخلى من العظم ويُترك جانباً.
- تُفرم الكزبرة، الفلفل، الثوم، الملح والسمسم (فرم خشن) وتُخلط جيداً مع الزيت.
- يُفرد الظهر الضأن ويُغطى بالخليط ويُتبل بقليل من الخارج.
- يُلف الظهر على هيئة أسطوانة ويُحكم.
- يُقطع إلى حلقات دائرية متساوية.
- تُوضع الحلقات في أسياخ معدنية مع ترك مسافات بينها، تُجهز الشواية.
- تُوضع الأسياخ على الشواية وتُقلب حتى تمام النضج.
- تُقدم ساخنة مع خضار مشوي( فلفل / باذنجان / كوسة).

ممبار باللحم المفروم والبقدونس

أكلة النهاردة مش أكلة عادية … أكلتنا كتير مننا مش يعرف يعملها فى البيت ودايما نسأل جداتنا عن طريقتها …

هنعمل النهاردة الممبار ومن النهاردة مش هتدورى على طريقتها  وهتتميزى فيها والكل هو اللى هيسألك عنها

المقادير
2/1 كيلو ممبار( فوارغ)
2/1 1 كوب أرز مصري مغسول
2/1 كوب حمص حبً مسلوق
4/3 كوب بقدونس مفروم
1 بصل كبير مفروم
4/3 كوب لحم مفروم
ملح
2/1 ملعقة صغيرة قرفة مطحونة
2/1 ملعقة صغيرة حبهان مطحون
1 ملعقة صغيرة كمون مطحون
1 ملعقة كبيرة كزبرة مطحونة

لسلق الممبار:
6 كوب ماء
1 بصل متوسط (أرباع)
1 جزر متوسط (قطع كبيرة)
1 عود قرفة صحيح
2 قرنفل صحيح

للتحمير:
1 ملعقة كبيرة زبدة
2 ملعقة كبيرة زيت
ممبار باللحم المفروم والبقدونس

ممبار باللحم المفروم والبقدونس

طريقة التحضير:
– يُقطع الممبار(الفوارغ) إلي قطع متساوية بطول 15 سنتيمتراً تقريباً.
– يُقلب تحت الماء حتى يُصبح الجزء الداخلي هو الخارجي.
– يُنقع في ماء و2 ملعقة كبيرة من الملح لمدة 10 دقائق ثم تُشطف.
– يُكحت بالسكين إلى الخارج من جميع الجهات حتى يُصبح نظيف تماماً .
– يُنقع مرة أخري في ماء وخل لمدة 10 دقائق ثم يُنظف مرة أخرى بنفس الطريقة السابقة.
– يُخلط الأرز مع الحمص والبقدونس في وعاء عميق.
– يُضاف البصل واللحم و يُتبل الخليط بالملح، القرفة، الحبهان والكمون مع التقليب حتى تتداخل المكونات.
– يُحشى الممبار بالخليط دون الوصول للأطراف لترك مساحة للأرز أثناء الطهي.
– يُرفع الماء مع البصل، الجزر، القرفة والقرنفل في إناء على نار متوسطة ويُترك حتى يبدأ في الغليان.
– يُضاف الممبار ويُسلق لمدة 15-20 دقيقة أو حتى تمام نضج الارز.
– يُنشل من ماء السلق ويُترك ليبرد قليلاً ويُجفف تماماً.
– تُذاب الزبدة مع الزيت في مقلاة على نار متوسطة، يُحمر الممبار لمدة دقيقتين مع التقليب حتى يُصبح لونه ذهبياً، يُقدم دافئاً.

وبالصحة والهنا,,,

شرائح اللحم بصوص الفلفل.

شرائح اللحم بصوص الفلفل.
• المكونات:

1/2 كيلو لحم استيك

ملعقة زبد كبيرة

ملح وفلفل لتتبيل اللحم

ملعقة كبيرة زيت زيتون

بصلة متوسطة مفرومة

ملعقة كبيرة فلفل أسود حبوب كاملة

1/2 كوب مرق لحم

1/3 كوب كريمة ثقيلة أو يتم استبدالها بساور كريم أو كريمة لبانى

-الطريقة:

يغسل اللحم جيدا ثم ينشف جيدا من الماء, ويتبل بالملح والفلفل من الجانبين.

نضع الزبد فى مقلاة كبيرة ونتركها لتذوب ثم توضع قطع الاستيك فى المقلاة وتشوح على نار متوسطة, ونتركه ليشوح من 2 - 3 دقائق أو حتى يصبح بنى اللون, ثم تقلب قطعة اللحم على الجانب الآخر وتشوح لمدة دقيقتين.

يرفع الاستيك من على النار ويترك جانبا ليبرد لمدة 10 دقائق, ثم يسخن الفرن على درجة حرارة 200 مئوية, ثم يوضع الاستيك فى صينية تيفال ويصب فوقه الزبد المتبقية فى المقلاة وتغطى بالفويل ثم تطهى بالفرن مدة 10 - 15 دقيقة.

نكسر حبوب الفلفل بحيث تصبح قطع متوسطة وليست صغيرة أو مطحونة, وبعدها توضع حبوب الفلفل فى كيس بلاستيك ويضرب فوقها بالنشابة أو بظهر مقلاة حتى تتكسر.

نحضر الصوص عن طريق وضع زيت الزيتون فى نفس مقلاة اللحم، ثم نضيف البصل ويقلب حتى يصبح شفاف اللون, بعدها نضع الفلفل ويقلب معه مدة دقيقة ثم نضيف المرق وتقلب.

نقلل شعلة النار حتى تصبح هادئة ثم نضيف الكريمة وتقلب مع الخليط السابق جيدا، ونتركه حتى يغلى مدة 3 دقائق أو حتى يصبح سميك القوام.

نضع قطع اللحم فى طبق التقديم ونضع فوقها الصوص وتقدم مع البطاطا المهروسه

طريقة سهلة لصنع الشيكولاتة فى المنزل

طريقة سهلة لصنع الشيكولاتة فى المنزل

الشيكولاتة لها فوائد صحية مُتعددة مثل تحسين المزاج والتخلص من الاكتئاب،و خفض ضغط الدم لاحتوائها على مركبات كيميائية طبيعية تسهم فى إرخاء وتوسيع الأوعية الدموية، فإن الشيكولاتة معشوقة الجميع، خاصة النساء والأطفال.

ونقدم لكم طريقة سهلة وبسيطة لعمل الشيكولاتة فى المنزل:

المقادير: – كوب سكر – كوب لبن بودرة – نصف كوب دقيق – كوب ونصف مياه – كيس فانيليا

طريقة التحضير:

نخلط كل المقادير فى الخلاط، ثم نضعهم فى “حلة” على النار، ونقلب جيدًا ونحرص على ألا تتكون تكتلات، نقلب جيدًا حتى يصبح لها قوام أشبه بالمهلبية، ثم نضعها فى قوالب بأشكال مميزة وتوضع فى الفريزر حتى تتجمد ويصبح لدينا قطع من الشيكولاتة.

وإذا أردنا صنع شيكولاتة بنى نضيف للمقادير ملعقتين كاكاو أثناء التقليب على النار.